رفاہ انٹرنیشنل یونیورسٹی (لاہور کیمپس) گریجویٹ ڈگری کے فارغ التحصیل طلباء و طالبات کیلئے پانچویں سالانہ تقریب تقسیم اسناد (کانووکیشن) گزشتہ روز ایکسپو سنٹر لاہور میں کی گئی۔ مختلف فیکلٹیز کے گریجوایٹس طلباء جن میں فیکلٹی آف ویٹرنری سائنسز‘ ری ہیبلی ٹیشن اینڈ الائیڈ ہیلتھ سائنسز‘ میتھ میٹکس، فزکس، انگلش لٹریچر، کمپیوٹر سائنس، سائیکالوجی اور بزنس سکول شامل تھے۔ گولڈ میڈلسٹ طلباء و طالبات کو اسناد اور تمغہ جات سے نوازا گیا۔ ڈاکٹر طلعت نصیر پاشا (ہلال امتیاز، ستارہ امتیاز)، پنجاب ایگریکلچر فوڈ اینڈ ڈرگ اتھارٹی نے بطور مہمان خصوصی شرکت کی۔ رفاہ انٹرنیشنل یونیورسٹی کے وائس چانسلر پروفیسر انیس احمد (ستارہ امتیاز)، ریجنل ڈائریکٹر محمد عمر فاروق اور متعلقہ شعبہ جات کے سربراہانشرکاء میں شامل تھے۔