رفاہ یونیورسٹی کا کانووکیشن آج جناح کنونشن سنٹر میں ہو گا

پوسٹ گریجویٹ ،پی ایچ ڈی سے فارغ التحصیل 14سو سے زائد طلبہ کو ڈگریاں دی جائینگی

اسلام آباد (اوصاف نیوز)رفاہ انٹرنیشنل یونیورسٹی کا 14واں کانوکیشن بروز ہفتہ، اتوار23-24نومبر2019ء کو صبح ساڑھے نو بجے جناح کنونشن سنٹر، اسلام آباد میں منعقد ہو رہا ہے۔ کانوکیشن میں گریجویٹ، پوسٹ گریجویٹ اور پی ایچ ڈی سطح کے فارغ التحصیل ہونے والے تقریباً چودہ سو سے زائد طلبہ کو ڈگریاں دی جائیں گی۔ ڈگریاں حاصل کرنے والے طلبہ کا تعلق فیکلٹی آف ہیلتھ اینڈ میڈیکل سائنسز، فارماسیوٹیکل سائنسز، مینجمنٹ سائنسز، انجینئرنگ اور اپلائیڈ سائنسز، کمپیوٹنگ، سوشل سائنسز اور ہیومینٹیز (Humanities) ، بیسک سائنسز، میڈیا سائنسز، سسٹم انجینئرنگ اور پبلک پالیسی کے شعبوں سے ہے۔اس موقع پر مختلف امتحانوں اور شعبوں میں بہترین اور نمایاں کارگردگی کے حامل طلبہ میں ۲۹ ذوالفقار گولڈ میڈلز اور ۷۰ چانسلر گولڈ میڈلز بھی تقسیم کئے جائیں گے۔ رفاہ انٹرنیشنل یونیورسٹی کو وفاقی حکومت نے ۲۰۰۲ء میں چارٹر دیا۔ صدر اسلامی جمہوریہ پاکستان یونیورسٹی کے پیٹرن جبکہ حسن محمد خان یونیورسٹی کے چانسلر ہیں۔ یونیورسٹی معروف طبی تعلیمی ماہر مرحوم میجر جنرل (ریٹائرڈ) ذوالفقار علی خان نے قائم کی تھی اور معروف تعلیمی ماہر اور سکالر پروفیسر ڈاکٹر انیس احمد اس کے بانی وائس چانسلر ہیں۔

Title : رفاہ یونیورسٹی کا کانووکیشن آج جناح کنونشن سنٹر میں ہو گا

Author : Daily ausaf

Type : News

Role Performer : Corporate author

Event : Convocation

Organizing Body : Riphah International University

Subject : Riphah Convocation

Publisher : Daily ausaf

Publication Place : Islamabad

Date : 2019-11-22

Language : Urdu